#gujaratipoetry #poems #lovepoem #brokenheartpoems

જીવન સફરમાં પલપલ બદલાતાં,

લાગે નવાં પણ આ રસ્તા જુના જ છે.

ઘડીક સૂમસામ, ઘડીક ભરચક.

રડાવતા, હસાવતા રસ્તા જુના જ છે.

ઘડીક બાગ ને ઘડીક આગ,

જાતને ઝંપલાવવાના રસ્તા જુના જ છે.

ગઝલ કહો, ગીત કહો કે કહો શાયરી,

દિલને બહેલાવવાના રસ્તા જુના જ છે.

નથી આસાન આમ ભૂલવું દર્દને,

ઝખ્મો પંપાળવાના રસ્તા જુના જ છે.

પ્યાર નાસુર બની ફેલાય રગેરગે,

હાડને ગાળવાના રસ્તા જુના જ છે.

લૈલા-મજનુ કે રોમિયો-જુલિયેટ,

પ્યારમાં ફના થવાના રસ્તા જુના જ છે.

-શર્મિષ્ઠા”શબ્દકલરવ”

-સુરત.