#gujaratipoetry #mygazal #monsoon #varsadma

યાદ તોરણ ફરફરે વરસાદમાં
આંખડી ઝરમર ઝરે વરસાદમાં.

કોતરો દિલની બધી ખૂંદી વળે,
કૈંક અરમાં કરગરે વરસાદમાં.

રક્ત થઇને જે વહે છે નશ નશે
એ છબી થઇ તરવરે વરસાદમાં

દિલ પ્રણય ઝંખે મિલન આ ઋતુમાં
વિરહી તડપી મરે વરસાદમાં

સાવ સૂની જીંદગીની રાહમાં,
એક કૂંપળ પાંગરે વરસાદમાં.

પાળ દિલને બાંધવી ક્યાં શક્ય છે ?
આયખું પલળી મરે વરસાદમાં.

રાગ મનના કેમ રે આલાપવા ?
તંગ કમખે લૂ ઝરે વરસાદમાં.

ધોધમારે તું વરસ, પલળાવને !
નાવડી થઇ દિલ તરે વરસાદમાં.

-શર્મિષ્ઠા”શબ્દકલરવ”.