જો ઉપાડી દો કદમ તો રાહ નીકળતી જશે.
મંઝિલે ગર હો નજર તો રાહ નીકળતી જશે.
છે જરૂરી રાત કેવળ સ્વપ્નના દીદાર તક.
આંખ ખુલતાં કર સફર તો રાહ નીકળતી જશે.
રાહ પારખવા પછી મેળવ નજર તું દ્રશ્યથી,
હો દિશા સાચી અગર તો રાહ નીકળતી જશે.
વાત છે સાદી સરળ, ચાહત ભળે જો માર્ગમાં,
યત્ન સૌ લાગે સહજ તો રાહ નીકળતી જશે.
જેટલું એ લાગતું હોતું નથી મૂશ્કેલ એ
જાત જીંદાબાદ કર તો રાહ નીકળતી જશે.
સ્વપ્ન હો સાકાર સઘળાં હો સફર આ મૌજની
આશિષે ફળશે કરમ તો રાહ નીકળતી જશે.
-શર્મિષ્ઠા”શબ્દકલરવ”.
બહુત ખૂબ!
LikeLiked by 1 person
ખૂબ ખૂબ આભાર..🌹🌹
LikeLike
સરસ મજાની ગઝલ. ચોથા અને છઠ્ઠા શેરમાં કાફિયા દુરસ્ત કરવા જેવા લાગે છે. ્
LikeLiked by 2 people
ખૂબ ખૂબ આભાર.. મારી ગઝલને વાંચી ને મૂલવવા માટે.. પ્લીઝ આવી રીતે આગળ પણ માર્ગદર્શન આપતા રહેશો..🌷🌹🙏🏼
LikeLiked by 1 person
જી..ખૂબ ખૂબ આભાર..
એટલે આ કાફિયા ગલત છે..
સુધારવું પડશે ? હું ફરીથી કોશિશ કરી જોઉં..
LikeLiked by 1 person
ચાર શેરમાં કાફિયા જળવાયા છે, તો બાકીના બે શેરમાં જળવાય તો ઉત્તમ; અન્યથા શબ્દાન્તે સમસ્વરીય ઉચ્ચાર હોઈ કદાચ ચાલી શકે, પણ કોઈ નિષ્ણાતનો અભિપ્રાય લેવાય તો સારું. મારા વાંચનમાં આ પ્રકારની ગઝલ પહેલી આવી હોઈ હું પણ થોડોક અવઢવમાં છું. મગન મંગલપંથી નિષ્ણાત છે. ઈમેલ એડ્રેસ મળે તો હું મોકલી આપું છું. તેમનો જે અભિપ્રાય મળે તે મને જણાવશો, જેથી મારા જ્ઞાનમાં વૃદ્ધિ થાય. મારું ઈમેલ Id – musawilliam@gmail.com છે.
LikeLiked by 1 person
mangalpanthi@gmail.com
LikeLike
હા, ચોક્કસ.. એમ તો હું વારિજ લુહાર સરને ઓળખું છું. ફેસબુક થ્રુ એમને કાલે પૂછી જોઈશ.એ પણ જાણકાર છે તો યોગ્ય સલાહ આપશે..આપનો ખૂબ ખૂબ આભાર.. સર🌹🙏🏼
LikeLike