#mygazal #gujaratipoetry

જો ઉપાડી દો કદમ તો રાહ નીકળતી જશે.
મંઝિલે ગર હો નજર તો રાહ નીકળતી જશે.

છે જરૂરી રાત કેવળ સ્વપ્નના દીદાર તક.
આંખ ખુલતાં કર સફર તો રાહ નીકળતી જશે.

રાહ પારખવા પછી મેળવ નજર તું દ્રશ્યથી,
હો દિશા સાચી અગર તો રાહ નીકળતી જશે.

વાત છે સાદી સરળ, ચાહત ભળે જો માર્ગમાં,
યત્ન સૌ લાગે સહજ તો રાહ નીકળતી જશે.

જેટલું એ લાગતું હોતું નથી મૂશ્કેલ એ
જાત જીંદાબાદ કર તો રાહ નીકળતી જશે.

સ્વપ્ન હો સાકાર સઘળાં હો સફર આ મૌજની
આશિષે ફળશે કરમ તો રાહ નીકળતી જશે.

-શર્મિષ્ઠા”શબ્દકલરવ”.