#jayshreeram #gujaratipoetry #bhajan

મળ્યો ભાઈ ! જીવનનો લ્હાવો !
જીવી લે! તું જાણી લે !
મળ્યો ભાઈ ! અનેરો અવસર !
માણી લે! પરમાણી લે !
કાળી-ભમ્મર રાતો વચ્ચે, તારલીયા તો ટમકે.
ઘોર નિરાશા વચ્ચે ક્યાંક વીજળીઓ તો દમકે.
મનતરુની ડાળીએ બેઠી કોયલીયા તો ટહુકે.

મળ્યું ભાઈ ! ધડકતું રુદિયુ!
ધડકી લે! ધડકાવી લે !
મળ્યો ભાઈ ! અનેરો અવસર !
માણી લે! પરમાણી લે !

રામનામનો પરચો એવો પથરા તરતા પાણીમાં.
શ્રદ્ધા કેરા દિપક પ્રગટે, જગમગ કરતાં આંધીમાં
ખુદ પર છે  વિશ્વાસ એનાં વહાણો તરતા  માટીના

મળ્યો ભાઈ ! ઝઝૂમવાને મોકો!
ઝડપીને નીખારી લે.
ઝડપી લે તું ઝડપી લે !
ભાઈ ! અનેરો અવસર મળ્યો,
માણી લે  પરમાણી લે !

-“શર્મિષ્ઠાશબ્દકલરવ”.